Conto Naskah Monolog Sunda keur siswa lalaki

Ramal

        ngaran kuring ramal. ngan sakitu-kituna. euweuh papanjangna. kuring teu nyaho pangna kuring diaranan ramal. kuring ge moal protes pedah ngaran kuring lain obama atawa leonel messi. kuring moal protes, sabab ceuk kuring ngaran alus moal aya mangpaatna lamun kalakuan mahiwal jeung papalingpang tina kabeneran.

        kuring oge moal protes pedah pedah batur sok nyarebut gelo ka kuring. padahal ceuk rasa, waras kuring teh. ceuk kuring jejeg kuring teh. batur wae sok nyebut otak miring atawa kurang edan ka kuring. padahal uring mah ajeg, teu miring teu sing edan.

        padahal ceuk kuring , loba nu leuwih gelo tibatan kuring. nu gelo mah tuh nu sok malingan duit nagara. nu gelo mah tuh nu resep ngagasak harta jeung hak rahayat. nu gelo mah tuh pamingping anu norek tara ngadenge rahayat anu ngajerit teu bisa dahar. nu gelo mah tuh pamingpin nu ngahaja meungpeuntina kakayaan rahayatna anu sagala kakurangan. nu gelo mah tuh pamingpin anu teu bisa mingpin. nu gelo mah tuh pamingpin anu laku na lain turutaneun.

        teu gampang deuleu jadi pamingpin teh. gede deuleu tanggung jawabna jadi pamingpin mah. ieuh, teu sagawayah jadi pamingpin mah. teu kabeh deuleu bisa jadi pamingpin. nu matak kuring mah sok seuri mun ningali nu ngantri pada hayang jadi pamingpin. nu matak kuring mah sok ngabarakatak lamun aya nu sok teterejelan hayang jadi pamingpin. tah lain teu waras ngarana, lamun kabeh hayang jadi pamingpin.

        ieu sing sadar, ari hirup geus pada-pada boga hanceunga.moal enya kabeh jadi pamingpin, atuh urang jadi nu di pingpina. lamun batur jadi pamingpin. atuh urang jadi nu di pingpinna. apan salat ge aya imam aya anu jadi ma'mumna. jadi rahayat oge , lamun bener jeung bageur mah, apan leuwih hade darajatna tibatan pamingpin anu kacrut.

        kusabab jadi pamingpin teh lain gawe enteng, kuring mah teu hayang jadi pamingpin. mending kieu, hirup bebas eweh nu ngatur, eweh nunyarek. mending siga kuring, bebas teu kauger aturan itu-ieu.

        nu matak, lamun hayang hirup timuninah leupas tina sagala kasusah, hayu siga kuring.

wassalam.